談投資

談投資

投資本身就係令你未來可以安枕無憂
所以投資得宜，除左係你未來既一個保障之外
重係一個提高生活質素既催化劑
買股票可以話係一個好好既投資

我選股有兩個大原則
1. 我只會選穩定而有豐厚回報既股票，即係低風險同高回報
2. 我選既股要係未來十年內要成為行內既領導地位

當然，呢兩個大原則只不過係冰山一角既小技術
街市阿嬸都識講
但做當然係好難...
點樣發掘到呢類股票先係一個最重要的部分
最簡單，搵未來十年高增長既行業
大陸好易搵
保險升值潛力最大
其次電訊，能源，生產原料，汽車，dot com ，零售
無疑，以上有d 行業已經有進入成熟階段
即係行內已經漸轉穩定
已經有公司佔全行業超過一半以上既業務
而個d 公司已經成立左有一段既長時間
即係收入已經無一開始業務岩岩上軌的時候增長得咁多
中移動(941)已經係一個好好既例子
三年前佢大約只係廿三十元現在已經去到八十尾，
今年有望過百
買佢既股票賺既錢已經無以前咁多
但係好野唔怕高追
百元入都重有一段升值空間
只不過賺既錢的確係少左好多
而當你發覺你手持股票既行業重未有公司處於領導位置
可以考慮一下買進你看好的公司
當你的公司與大市同步或跑過大市
便要慢慢增持你持股的比例
當輸給大市的時候便要慢慢減持手上的股票
換到另一隻更高增長的股票上
所以，當遇上更好的時候
只要佢係穩定同埋達到我所要求
我係唔會介意換馬
再來，當你發現你手持股票的公司
開始有倒退便要逐一將之放出
務求獲得最高效益
以上咁多只不過係雞毛蒜皮
買股其實有好多學問
呢d 學問其實同你日常生活都係差唔多
人生每一樣野都可以睇做投資
只不過睇你識唔識得去運用投資既學問...
我要既投資組合係長線穩定
長線定義當然係指起碼廿年為長線
短線對我來說會因為我情緒而作出波動
所以短線其實真係好睇心理最
起碼，我覺得我喜歡既會係長線
因為我情緒很容易波動
過山車既生活真係好辛苦
所以都係個句如果係穩定既，
我唔怕換馬
始終一隻好馬都需要有一個好既伯樂
你識得賞識佢　
佢可以為你帶來很好既回報