2014年8月15日星期五

再來六個不創業的理由

不知這陣子是否靈感乾涸還是墨水用盡,就一直找不到一個好的題材去為全民媒體「開個靚頭」。(係,我足足諗左兩個星期! )所以今日睇到社長寫左一篇「不創業的六個理由」有感,所以唔理三七廿一,參一腳。旨因我至鍾意潑冷水,而大家對創業呢件事總會有幾分美麗嘅幻想,而實際對創業有誤解嘅,無九成都肯肯定有八成。所以呢個題目我絕對應該寫,就當做補完資料俾大家作個參考,繼續拾人牙慧,拾話狗說。
在此我先鄭重聲明,創業唔係真係玩玩下貪過癮,如果以下係你嘅原因走去創業,你都係乖乖地返去打返份工好過啦。唔好聽到D借貸廣告話「有得揀你至係老闆」就走出黎。點解?因為創業唔係由香港移民去到瓦努阿圖嘆世界咁簡單,而係好似北韓咁成功登陸太陽!研究話九成嘅Start ups都會失敗,成為巨企嘅Start ups成功率更低過0.1% 。所以如果你因為存有以下思想而創業,我勸你及早回頭是岸。
1395328_10151781074606840_1185610530_o1.  擺脫變態老闆 - 10個打工仔,9個覺得自己老闆變態,重有1個當正佢係殺父仇人。覺得永遠老闆嘅慾望都係無限,而打工仔永遠係受屈辱個位。所以為左永遠唔洗對D 變態老闆,一定要自己打自己工。OK!如果你係呢個原因創業嘅話,我會同你講,你創業之後你老闆由一個會變成十個,甚至會變成一百個。因為你老闆由你直屬上司將會變成客戶。滿足佢地嘅需要,變成你每一日重緊要過食飯嘅野。客嘛,they are animals,always hungry 你懂的。
2.  追求Work Life balance - 好多人覺得自己成為老闆,就鍾意幾點返工幾點放工都得。冇錯確係可以幾點返工幾點放工都得,但係同追求work life balance 係兩回事黎。基本上,你未係張床蓋埋雙眼嘅一刻,你都要全力睇住間公司,追求收入,以維持生繼,對抗強迫金嘅蠶食,以及防止競爭對手出陰招為公司帶黎嘅傷害等等等等。所以如果你明白Work Life Balance係指你每日20小時都做緊自己享同做緊嘅野,恭喜你。Welcome to the Entrepreneur world。否則,去考政府工把啦。
3.  做自己想做嘅事 - 自己成為老闆,絕對唔係做緊你自己想做嘅野,創業初期,每一分每一毫都要洗得有價值,除非你有大把錢請班人返黎幫你做野,否則所有濕星野一定係自己包底,例如幫同事訂文具。而係老闆圈中最有共嗚,莫過於要自己填MPF Form。呢D,絕對唔係你創業最想做嘅事情。
4.  賺好多好多嘅錢 -創業的確為你帶黎富有嘅機會,隨時捱幾年,你銀行零頭多幾個位,由Standard去到有Prestige 專員服待你。不過,唔代表你係財務自由。我唔直接答你,我用例子。當公司一直發展,你享受嘅會係成果,但同時需要做風險管理,呢一筆錢就係預防有突發事故嘅發生,公司越大,越需要做風險管理。講白一點,如果你個客唔找錢俾你,你有冇心理準備幾個月食西北風,假設你有班員工,自己唔食,佢地可唔可以唔食?所以我識嘅一部分白手興家嘅890後,佢地公司一年純利可以過千萬,但係過嘅日子仍然好樸素,每個月拎到出黎嘅錢分分鐘只係每個星期夠去O Zone飲杯野。講到呢度,我有D掛住D靚女Bartender。
5.  追求工作上嘅快樂 - 創業過程係快樂,但每一個老闆心情都會隨住過山車而浮動。皆因,創業過程直頭重刺激過笨豬跳,每日都可以大起大落。但係呢種每日都唔同觀感嘅刺激好容易令你忽略自身生理同心理健康,容易積勞成疾。特別係心理,好多人可能係唔知情嘅情況下患上抑鬱等病;外國創投圈亦開始關注創業家們心理上嘅健康。拉返近到香港,我有個靚女朋友,之前亦因為公司周轉不靈,而令自己患上抑鬱症,真係我見猶憐……你地心理係咪已經準備承受呢種刺激?
growhtchart
6.  想成為下一個Mark Zuckerberg - Oh come on,你有冇人地咁叻先? 之但係,呢個世界好多人都叻過佢,都唔一定成功。所以你想成為下一個佢,諗清楚目的先。係咪貪佢型?你知唔知人地想改變成個互聯網嘅理念?定話想好似佢咁多錢?如果係,我建議你不如去淘寶買條法拉利車匙落Beijing扮富二代算啦。
講到呢度,可能你會覺得我好涼薄,好誇張,狗嗡,但我相信每個人都有自己嘅終點。畢竟每個人都有唔同特質性格,並不是每個人都適合創業,如果你抱以上心態創業更甚。所以早一步認識自己,好過聽信「成功案例」,自走歪路。有機會再講。


2013年11月14日星期四

[轉載] 金子世界觀﹕環保

金子世界觀﹕環保

近年愈來愈多人支持環保﹐由簡單的少用膠袋、回收垃圾、少吃牛肉(因為炭排放)﹐到大規模的反對興建第三條機場跑道(因為影響白海豚的棲息地)等等。在香港這個善於孕育欠缺獨立思考能力市民的地方﹐拿著『環保』這個冠冕堂皇的招牌去反對這樣反對那樣﹐自然容易獲得人認同。

金子對環保並不熱衷﹐但亦不反感。今天想和各位客觀分釋一下到底環保是甚麼﹐環保是不是大晒呢﹖

環保的方法有很多﹐有激進的﹐有subtle的。方法不同﹐但理念一樣﹐都是希望保護環境。可是大家有沒有想過﹐『保護環境』其實並不是一個具體的目的﹐如果地球上沒有生物﹐保護環境是毫無意義的。所以極其量只能說環保的目的是希望保護環境令地球上的生物能有足夠的資源生存下去。不過﹐人類是自私的生物﹐要人類犧牲自身的快樂去成就其他生物(例如中華白海豚)並沒有太大Selling Point。所以說到底﹐所謂環保﹐其實只是希望我們或我們的後代能有足夠的資源繼續生存下去。口號是為地球﹐其實是為自己。這點大家要搞清楚。

人類自從建立文明以來﹐對地球資源予需予取﹐毫不留手﹐直至近年冰川溶化、魚穫暴跌、天災連年才意識到問題來臨。好﹐問題來臨了﹐便要大家開始注意環保﹐為下一代著想。Well, 我想問的是﹐點解我要為下一代著想﹖ 你的下一代﹐你可以為他們著想﹐但不能強迫其他人也為你的下一代著想吧﹖這不是又再一次突顯人類的自私了嗎﹖

環保是有成本的。LED電燈耗電量少﹐但成本高。要大家為環保而把全家鎢絲電燈換成LED電燈是不切實際的期望﹐除非有補貼。想利用風力發電減少燒煤發電時排放的溫室氣體﹐便得要捱貴電費﹐你肯不肯﹖呼譽大家不要吃魚翅﹐那捕鯊者的經濟損失是誰負責呢﹖想要環保又不肯付出﹐十分無賴。

說到底﹐就是地球資源不夠。想支持環保﹖很簡單﹐去絕育就是對環境最大的貢獻了。那些拖著小朋友去海邊執垃圾的父母﹐十分虛偽。
 Link: http://prochats.she.com/miss-geumja/1331.html

________________________________________

孩子無罪。錯在大家低估潛在自己體內的怪獸基因,和生命中億萬分之一機會遇上的另一對怪獸基因所翻雲覆雨產生出來的化學體。結果沒有好好馴服這個小魔星之餘,歸咎社會使其化學體異變成長。結果有天,曾經是這個星球的管理者的人類,就被這群魔星毀滅了。

 沒有心,時間教,老實說,就不要再危害地球了,除非你有心想毀掉地球。

2013年9月23日星期一

膠紙貼窗無助防颱風?

我見到今日瘋傳一篇名為 膠紙貼窗無助防颱風 岩岩睇完呢篇文,其實我覺得幾好笑 

文中指出「不少人」仍然係會貼膠紙以防吹爆玻璃,繼而搬成個天文台去加印証呢件「謬誤」。之後就搵左一段唔知幾時嘅一個美國FAQ  做論証去証明同點返條題。OK!


其實以我所知貼膠紙係防止玻璃被強風吹致震裂時造成大量小碎片而引致危險,這個應該是常識吧。如果佢用暸暸數隻字去指出香港人認為貼膠紙係防風既話,可能性只有三個。


一,係寫個個人隻眼只係睇到香港人盲目相信「膠紙貼窗有助防颱風」
二,佢唔知道「防風」呢兩隻字既意思

先講第一點,有冇一個現像係解釋何謂「不少香港人」先? 如果唔係,會唔會由終至始只係得寫呢篇文個個人先至睇到全部香港人係覺得「膠紙貼窗有助防颱風」。睇返佢既supporting,「膠紙只會為玻璃帶來很少抵抗力,但卻無法防止碎片。」 再睇返佢嘅報導,論壇文章,邊度有講過話D 人貼膠紙係為左防止阻擋強而少減少爆玻璃嘅風險先? 如果無,會唔會係佢對於貼膠紙嘅認知或者對於「防風」呢個概念係錯誤呢? 

講到重點,「防風」嘅意思應該係防止因為颱風引致嘅傷忙同損失。咁如果防止大量碎片散落到其他地方都唔係為左防風,咁我又唔明佢理解嘅「防風」同我理解嘅「防風」意思係咪一樣。定係佢以為「防風」就係all or nothing 呢?

不過點都好,我都為呢位筆者長久以黎信奉嘅謬誤終得以解釋而舒懷感到開心嘅。不過希望幫佢發佈嘅媒體,可以用下個心screen下D 文章先發佈啦,畢竟,無啦啦俾人「代表」,個心真係有D唔舒服。

2013年9月16日星期一

hmm

我係度諗, 寫仆街老闆刻薄員工嘅故事會唔會有人睇?

2010年1月18日星期一

八十後,請尊重自己的工作和擁有的專業

睇完以下呢篇文章,無名火起。

高鐵前夕所發生的事情

我不在此評論高鐵的價值,亦都不談示威的一切。
我想討論的是這位許姓記者在高鐵表決前夕的所見所聞。
根據這位被同事稱為「一姐」的專業新聞工作者在Facebook上的文章,
我完全看不清這位被稱為「一姐」的記者到底有何專業。
第一,身為記者,面對如此歷史大事當前,只是冷眼旁觀,完全沒有表現出對工作應有的態度和熱情。沒有對工作的熱誠,不配被稱為專業。
第二,身為記者,只牽掛著自己放工的時間。我明白,你要返公司趕dead寫稿。可是,不單是記者才需要通宵達旦的在加班! 要是你不想加班,請你去應徵政府公務員,別在新聞行業獻世。
第三,身為記者,在工作期間竟然因為自己的喜惡而去作弄他人。不論你是否在值班期間,故意去踩別人鞋踭作樂,這種人心態是非有問題,我真的好懷疑。

其實以上所講既唔係只係記者才要表現出應有的態度。我們被傳媒標籤為不思上進,好有部分係因為社會存在著這類在溫室長大的人。最好笑的,是有一群自稱專業的新聞從業員的同行在那篇的文章內發表留言附和。(其實負面的留言早被剷掉)。
八十後互相自慰,我不會理會。可是你們埋怨別人標籤你們為不思長進的同時,請好好謹記。

「請尊重自己的工作和擁有的專業」

學那位「專業」記者話齋,「這是香港的未來嗎?如果答案是「是」的話,我真的感到很可悲」
加多句,我以你為恥!


2009年9月16日星期三

一群自由博客捍衛「香港良知、尊嚴、是非心」活動

「香港良知、尊嚴、是非心」活動簡介

我們是一群香港自由博客,近日內地以暴力打壓香港記者採訪自由、甚至誣捏記者煽動動亂,令我們憂 慮香港一直堅守的言論、新聞自由、網絡自由受到侵蝕,互聯網世界是言論自由的最後一片樂土,作為自由博客,我們不能置身事外,有責任捍衛香港言論自由、新 聞自由、網絡自由不受侵害,所以我們發起「香港良知、尊嚴、是非心」博客活動,呼籲全港網民、博客、以致每一個網絡參與者,成為我們自由博客的一份子,為 捍衛香港言論、新聞、網絡自由發聲,利用網絡力量,保護香港最寶貴的核心價值,以下是我們的活動宣言:

「香港良知、尊嚴、是非心」活動宣言

新疆武警毆打香港記者事件,發生至今,除了泛民、記者團體、人權組織之外、就連左派和保皇人士也站在香港人、香港記者的一方,要求中央給予港人一個合理解 釋,甚至連董建華亦表示「黑白最終自有交代」;這足以證明,今次新疆當局已到達指鹿為馬、刻意顛倒是非並藉以展現自己權威的地步。

我們一群關心新聞自由及互聯網自由的博客想告訴香港網民、告訴曾特首、告訴新疆當局、告訴北京甚至告訴全世界,沒錯香港人從來是務實和揾食至上,不過我們 也擁有良知、尊嚴和是非之心。因為有良知,我們絕不會對抹黑坐視不理;因為有尊嚴,我們不會為了利益而擦鞋;因為有是非之心,我們不會容忍指鹿為馬和顛倒 是非。因此,我們可以義正詞嚴地說:「有錢並唔係大晒,我們不會對抹黑坐視,不會為了利益做狗奴才,更加不會容忍顛倒是非黑白。」

相信很多人也聽過這個故事:

二次大戰德國牧師尼默勒(Martin Niemoller)的一句著名懺悔話:「在德國,他們先來對付共產黨人,我沒有出聲,因為我不是共產黨。然後他們對付猶太人,我也沒有出聲,因為我不是 猶太人。然後他們來對付貿易工會,我又沒有出聲,因為我不是工會份子。然後他們對付天主教徒,我還是沒有出聲,因為我是新教徒。最後他們來對付我,到那 時,已經沒有人敢出聲了。」他最後因反對希特勒的納粹主義政策而被關進集中營。

我們想提醒各位網友,今天如果記者被抹黑和毆打我們不出聲,當他日博客被審查內容、甚至Twitter或Facebook被查封的時候,可能也沒有人再敢出聲了。新聞自由和互聯網規管,可以說根本是同一件事情。

我們希望更多香港人能接收到以上的訊息,故此我們發起此「香港良知 尊嚴 是非心」博客創作活動,若您支持這個活動,請參與撰文並幫忙宣傳,將這個活動傳播開去。

活動細則

1. Blogger

- 以「香港良知」為題材發表博客文章(例如:香港良知 / 誰說香港沒良知 / 温水煮蛙與conscienceless)
- 體裁不限(包括文字/圖像/影片)。
- 請在相關的blog post加上「
香港良知, 尊嚴, 是非心,hkconscience」tag。
- 使用trackback功能將發表文章連結到
hkconscience.org的介紹文章。(若blog沒有trackback功能,也可在介紹文章留言
- 請到hkconscience.org留下約一百字的文章摘錄。
- 發文時間:9月15日至9月30日自行貼出。
- 發文次數不限。

2. Twitter用戶

- 題目一:以「香港良知」為題材一人一tweet。
- 題目二:一人一tweet最無良知的人。
- 題目三:一人一tweet最有良知的人。
- 請在相關的twitter post加上「
#hkconscience」hashtag。

活動網站

Blog - http://hkconscience.org
Blog Sticker - http://stickeraction.com/hkconscience
Twitter - http://twitter.com/hkconscience
Facebook Page - http://www.facebook.com/pages/-/133560443785
Plurk - http://plurk.com/hkconscience

支持「香港良知、尊嚴、是非心」活動方法

無論閣下發表博客文章與否,我們都很歡迎您循以下方法支持是次活動:

1. 幫忙於Blog、Twitter、Plurk、Facebook及其他網站轉貼相關訊息
2. 積極參與Blog(博客)或Micro-Blogging(微博客)活動
3. 取用Blog Sticker(博客貼紙),以示支持此活動

2009年8月12日星期三

反網絡暴力宣言

互聯網是自由媒介,所有網民都享有言論和思想自由,不容干涉。
• 思想和言論自由,是香港社會的基石。網上網下,我輩都有責任好好維護這個權利。
• 反對一切防礙網絡自由的行為,包括:


1. 壓制甚至禁止反對意見
2. 利用軟/硬手段,甚至恐嚇,去令反對聲音消失。


本人對網絡暴力行為深表遺憾,故貼此宣言,希望網上的言論自由和人身安全,得到保障。




如有支持者,請到此處抄錄完整宣言,貼於自己博客之上(因留言可假冒而貼文難冒),置頂一星期,作和平抗議。希望星星之火傳播開去。



我無意針對任何人
只想網絡世界能有理性討論的空間